Boriboritany Fahadimy : Fametahana Ampoule

administrateur 6 aprily 2018 Commentaires fermés
Boriboritany Fahadimy : Fametahana Ampoule

Nametaka takamoha (ampoule) 191 isa tany amin’ ireo Fokontany 14 ao anatin’ny Boriboritany fahadimy  ireo ekipa teknika, sy ny Direction des Travaux Publics (DTP) avy eo anivon’ny Kaominina, ny Jirama ary ireo Fokontany voakasik’izany ny faran’ny herin’andro lasa teo.

Ny Fokontany Manjakaray II B, II C, II D,  Anjanahary  II A,II C, II N, II O, Nanisana, Analamahitsy, Ankerana, Anlamahitsy tanàna, Tsarahonenana, Ambohimirary, Amboditsiry ary Isoavimasoandro  no nahazo tombony tamin’ity indray mandeha ity. Nisy ihany koa ireo napetaka tao amin’ny Biraon’ ny Boriboritany.

Izao no natao mba hitandrona ny filamanana eny anivon’ny Fokontany rehefa hariva.

Marihina fa ezaka manokana avy amin’ny Boriboritany fahadimy no nahafahana nanatanteraka izao fanazavana ny tanàna izao.